.jpg)
أيام الفن الراقي .. أيام حليم، وأم كلثوم، وفايزة، وفريد ... أغانيهم كلها إحساس وذوق.
كانت الناس واعية، وتستنى حفلة فنانها المفضل بفارغ الصبر.
وهو أو هي كمان بيقابل حب الناس له بأفضل ما عنده.
أجمل صوت وأروع نغم .. ولا العازفين كل واحد منهم لوحده مدرسة.
حبك نار مش عايز اطفيها ولا أخليها دقيقة تمر ما احسش بيها .. أه
دلوقتي الأغنية بتقولك:
تَسِيبنِي أَكَرَهُ حَياَتَيْ وسنيني أُتَوِّه وَمِشّ هلاقيني .. وَأَشْرَب خُمُور وَحَشِيش
ولا المطرب المرتاح اللي بيقولك: أنا ماشي في الشارع... لقيت كنبة"
واللي بيتغزل في بتاع النوتيلا : "يا حبيبي يا بتاع النوتيلا... أنت عمري وأنا المدمن!"
زمان أغاني عميقة: يا حبيبي ونبض قلبي ونور حياته. يا ابتسام ليلي وخياله وذكرياته.
ودلوقتي: "قلبي بيرفرف... زي البسكوتاية في الكافيه!"
إحنا جرى لنا إيه !
"كله بيدور على الترند؟؟
الترند هو اللي بيحدد كل حاجة .. هو اللي
سايق العربية..
واحد بيحاول يعد النمل اللي ماشي على الحيطة؟
تريند!
واحدة بتصور ضلها وهو بيعمل تمارين رياضية؟ تريند!
واحدة بتقلي بيضه يا مؤمن .. ترند!
ضاعت المواهب وعليه العوض في العلم والتعليم..
بيكاسو بذات نفسه لو طلع يرسم ويرقص في نفس الوقت هايلاقي اللي يقوله مش لازم تشخبط وانت بتتنط!
"ولا أيام السينما الحقيقية
والمسرح الجميل
شويكار وفؤاد المهندس دول دلوقتي لو راحوا
لمهرجان يقولوا لهم:
● معاكوا كام فولوور على تيك توك؟ "
● ما عندكوش تيك توك .. يبقى روحوا محدش هنا يعرفكم!
فين أيام ما كان الفيلم قصة وسيناريو وحبكة درامية ودروس وعبر وجمال ذوق مش بس مؤثرات مؤثرات وشوية حركات ويخلص في كلمتين.
فصلان يا صاحبي، مين عايز يسمع أو يفهم، الكل بيهرب في الدوشة وبيخدر نفسه بمشاهد صناعي وأصوات صناعي وجمال صناعي وبيحلم يكون رفاعي الدسوقي ولا سليم الأنصاري ولا جبل الشيخ جبل.
ولا حتى تيتو أو الريس حربي..
يلا خليك فاصل يا صاحبي أحسن يعني هتصحصح ليه !
"السوشيال ميديا؟ دي أكبر تجمع للامراض العقلية..
كل واحد بيجرب يبقى نجم الترند بأي تمن...
● يرقص..
يعيط .. يصوت..
● يفضح نفسه ماشي.
● يفضح عياله مش مهم.
● يصور واحد في الحمام .. لا صوت يعلو فوق صوت الترند.
بس لو ح عنده حتووى هادف ما يلاقيش اللي يدور عليه!
الدماغ المعفن: أه والله زي ما بقولك كده، دي حالة بيوصل لها الناس بعد سنين من مشاهدة محتوى تافه على السوشيال ميديا حالة شخصها الأطباء وبيقولوا عليها Brain Rot
"طب هو ايه اللي جرى؟
● مفيش
رقابة.
● الناس
بتستسهل.
● الفلوس
بقت أهم من كل حاجة.
● وكل واحد بقى فيلم لوحده هو المنتج والبطل والمخرج.
● وكل الناس على السوشيال ميديا بتبيع، اللي بيبيع اكل واللي بيبيع لبس واللي بيبيع كرامته.
● كل حاجة للبيع والغريبة في وسط كل ده انه بيلاقي اللي يشتري.
● ومنهم اللي بيشتري ويفضل مبسوط واللي بيشتري ويندم، واللي بيشتري ويقرر يعيد تجربة البايع ويبيع زيه.
● وأغرب ناس اللي بيتابعوا نجوم السوشيال ميديا عشان يدفعوهم للانتحار.
● نوع من الفولورز ما بيفوتش صورة ولا منشور الا وبيعلق عليه تعليقات تخلي النجم يكره نفسه ودنيته، النوع ده من الناس محتاج دراسة من الخبراء عشان نفهم دوافعه!
● يعني ليه بتتابع حد وانت كارهه قوي كده! وليه بتكرهه وانت لا يربطك به غير ضغطة زر اسمه الغاء المتابعة!
● طب شوف المقارنة دي واحكم بنفسك:
زمان: "أهواك
وأتمنى لو أنساك"
● دلوقتي:
"أنا مش ديلر يا حكومة"
● زمان:
مسرحية سك على بناتك
● دلوقتي:
دكتور اكشف عليا أنا باتوجع.
● زمان:
رسالة تنفعك
● دلوقتي: هيصة تشغلك.
● زمان كان فيه موهبة ودراسة وتدريب متواصل.
● دلوقتي كل شئ محلول بشوية مؤثرات وشوية حركات.
● زمان جمهور واعي ومجتمع صاحي.
● ودلوقتي جمهور عايز يضحك ومجتمع مفكك.
● زمان احترام متبادل.
● والنهاردة ضحكني اسقف لك زعلني واشهر بك.
● زمان الفنان والاديب مالوش سند غير موهبته.
● دلوقتي شركات بتصنع نجم وبتعمل حاجة من ولا حاجة وبتفرضه عليك فرض.
● يعني تفتح التلفزيون تلاقيه، تمر في الشارع تلاقي صوره، تفتح الراديو تلاقي برامج تتكلم عنه ومش بعيد يطلع لك من البوتاجاز ..
● زمان كان عصر الفنان الاصيل.
● دلوقتي
النبر وان ونجم الجيل.
🧠 [طب الحل ايه؟
ننمي المواهب مش نحاربها.
نعرف يعني ايه صوت حلو ويعني ايه موسيقى راقية ونفرق بينهم وبين صوت الكلاكسات وكركبة المحركات.
مش أي كلام مرصوص شعر ومش أي هلس رواية ومش أي هري حكاية.
ونفكر نفسنا دايمًا إن الشهرة مش دليل جودة،
وان نشر الابتذال بقى شغلة.
طب ليه نساعد الناس دي تنشر أمراضها وتفرض علينا اسفافها؟
نجوم الترند عمرهم قصير.. النهاردة سيرتهم على كل لسان وبكرة مفيش حد فاكرهم.
دول
نجوم فالصو..
فرق كبير بين المعدن النفيس والقشرة.
ليست هناك تعليقات:
إرسال تعليق